عشان أبو حصيرة وأم حصيرة وخالة حصيرة وعمة حصيرة
هانفضل نهاتى كتير كل عــام نقول الصهاينة هايخدوا البحيـرة
عشان لسة ليهم هناك عضمتين أكلهم تراب القبور من سنيــن
لكن اللى ناوى يعكنن عليــك يشوف نملة عندك جاموسة كبيــــرة
......
وكل الحكاية طمع إسرائيـــل فى بترول وغاز ومية ونيـــــــــــــل
وشايفة الحكومة بتقفل عنيهــا فلازم تركّب لنا ألف ديـــــــــــــــل
وتزرع جاسوسها بحكم الصداقة ولازم نطنش بحكم الحماقـــــة
وييجوا الصهاينة يزوروا البحيــرة عشان أبو حصيرة اللى مالهوش مثيل
......
مدام إسرائيل تبقى دولة صديقـة فلازم نغمض لها حبتيـــــــن
تقــّـتــّل ولادنا هناك ع الحـــدود واحنا نقيم الفرح أسبوعيـن
نعمر عشانهم موالد حصيـرة عشان احنا طبعا خبيتنا كبيـــرة
مخاصمين إيران من زمان زى سوريـا عشان دى أوامر أخوك بنياميـــــــــــن
......
عشان أبو حصيرة هانلبس خـازوق لحد ما شعب الكنانة يفوق
ويعرف بأن إسرائيل لسة ناوية تمص اللى فاضل لنا فى العـروق
وماشية فى أرض الكنانة تنخـور على أى عضمة هاتيجى تدوّر
وبكرة يقولوا إن سيناء بتاعتهـم وعايزين يطالبوا بباقى الحقـوق
......
يا ناس ليه وطنا يكون مُستباح وإمتى هايطلع علينا الصبـاح
وإمتى هايصحى ضمير الحكومة ويرفع فى وش الصهاينة السلاح
وإمتى يا صاحبى هاتسمع كلامـى وإمتى تبطل تخبى الحرامى
وإمتى هاتدينى حقى اللى عنــدك وإزاى ترجع زمانى اللـى راح
......
» كنوز الفراعنه
» الثقب الاسود
» طفل بطل
» دكتور زاكي الدين احمد حسين
» البطل عبدالرؤوف عمران
» نماذج مشرفه من الجيش المصري
» حافظ ابراهيم
» حافظ ابراهيم
» دجاجة القاضي
» اخلاق رسول الله
» يوم العبور في يوم اللا عبور
» من اروع ما قرات عن السجود
» قصه وعبره
» كيف تصنع شعب غبي