بسم الله الرحمن الرحيم
تامر كردوس يكتب:-
* لو أنت رئيس وزهقت وحبيت إنك تسيب الحكم وتخلـــع وفى نفس الوقت مش عايزها تيجى منك أنت وتيجى من الشعب الموضوع مش صعب أبدا لأنك ممكن بـ 10 جمل بس تمشى من الحكم لأ وكمان تخسر شعبك ويمكن تاريخك كله:
1 - كـــــــبر مخــــــك: قولهـــــــا للمسئولين بتوعك فى أى مناسبة وكأنـــــك بتهزر ومتقلقش هما هيفهموا المضمون الخفى فى الجملة وهينطلقوا بقوة الدفع الذاتى وفعلا هيكبروا مخهم من ناحية أى حاجة خاصة بالناس وكمان من العقاب ومن المسئولية هيكبروا مخهم من أى حاجة وكل حاجة.
2 - ارمــــــى ورا ضهــــــرك: قولهـــــــا لأى مسئول أو وزير عندك لما يفشل فى أى مهمة وطنية مكلف بها أو لما تتسرق حاجة فى عهدته لأنك حتى لو ماقولتهاش له هو مهيأ بما فيه الكفاية إنه يرمى ورا ضهره المشكلة فعلا اللى كتير بيفكروا فيها وأنا أولهم " هو ورا ضهر الوزير ده قد إيه بالضبط؟ " لدرجة إن فيه ناس كتير بقت واثقة إن ورا أى مسئول فيه حفرة كبيرة كل ما يعمل مصيبة أو يفشل بيرمى فيها.. المشكلة الأكبر بقى إن الحفرة مش عايزه تخلص أو تتملى ولا الفشل برضه.
3 - اوعـــــــى تكون عبارة من اللى بيغرقوا: تقولها وأنت قاعد فى لقاء مع أحد الكادحين - قصدى مع واحد عامل من الكادحين- أثناء زيارتك لأحد القرى وياحبذا لو كان من الفلاحون فى كوخ بوص أو ديكور لمنزل بسيط من الطوب اللبن واللقاء بالكامل يكون متظبط ومتربط من أمن الدولة.. الجملة دى ممكن تأثر بشكل سلبى فى ألف ولا ألفين واحد هما أهل ناس ماتت قبل كده فى حادثة عبارة غرقت بس مش مهم إيه يعنى ألفين واحد والشعب حاجة وتمانين مليون المهم أن النكتة لما بتحكم لازم تتقال فورا.
4 - خلــــــيهم يتسلوا: جملة لو عكست فإنمـــا تعكس مدى حبك وتقديرك للشعب لدرجة إعطائــــك الأوامر دائما للمسئولين بأن يدلعوا الشعب ويخليهم يتسلوا دون تحديد طبيعة أو شكل التسلية المقترحة وعـــدم قصر التسلية على اللب السوبر أو السودانى.. طيــــــــب أهو الشــــعب اتسلى إزى الحـــــال دلوقتى.
5 - الشعب لـــم ينضج بعد حتى ينال الديمقراطية: يفضل الا يقول هذه الجملة الرئيس بنفسه بل يفوتها لأى مسئول تحته وليكن رئيس الوزراء مثلا - يعنى يحطه هو فى وش المدفع - فبهذه الجملة بيضرب عصفورين بحجر واحد الأول إنه يوصل رسالة للشعب بتاعه على طريقة اللمبى " شايف فى عيونكم نظرة أمل ... انسوا " والهدف التانى يوصل رسالة للغرب إن وجوده فى الحكم هو وجود واستمرار لمصالحهم فى المنطقة لأن مادام الوضع الحالى إنه موجود وإن مفيش ديمقراطية فبالتالى لو بقى فيه ديمقراطية مش هيكون لهم مصالح هنا وهو سبب غاية فى الأهمية يخلى أى شعب يفضل بيبى وعمره ما يوصل لمرحلة الفطـــــام أبدا.
6 - خليــــهم قاعدين وهجيبلهم بونبونى وشوكولاته : جملة لها ظروف خاصة حيث يفضل أن تذكر أثناء اعتصام أو تظاهر شوية عيال- من وجهة نظرك طبعا - حتى تبعث لهم برسالة مضمونها عرفوا حجمكم الطبيعى وإنكم لو قعدتم للسنة الجاية أنا كمان قاعد كما تحمل الجملة ترسيخ لمبدأ الحنية والطيبة التى تحملها للشعب وإنهم فعلا زى أولادك .. ملحوظة: يفضل أن يقول هذه الجملة رئيس وزراء أيضا ولكن غير اللى قال الجملة السابقة.
7 - هطـــــــــلع (.....) اللى جابوه: المثـــــــل بيقول " دلعوا الولد وربوه وان كبر يعرف أمه وأبوه " وبيقول كمان " اللى ما تربيه الأهالى تربيه الأيام والليالى "انطلاقا من هذين المثلين وغيرهما وأيضا مع الوضع فى الاعتبار إننا مش هنقضيها دلع دلع لازم شوية شدة مع الشعب تظهر ضرورة هذه الجملة التى يجب أن تذكر فى الوقت المناسب حتى يعرف الشعب حدوده وحجمه كويس بالبلدى كده يشوف العين الحمرا.. يفضل أن يقول الجملة السابقة وزير إحدى الوزارات غير المحبوبة للناس وإللى مطلعة عينيهم كوزارة المالية مثلا لأن أكيد الناس كده ولا كده قافشة من الوزارة دى ومن وزيرها بعد ما خلتهم يبيعوا هدومهم على أساس هـــــى جت عالشتيمة يــــعنى؟! وبعدين الشتيمة مش بتلزق".
8 - قتلى الغرق قرب سواحل إيطاليا طماعين وليسوا شهداء: لا شك إن الوازع الدينى هو الأساس فى تكوين النفس البشرية كما أن وجوده فى جزء من علاقة الرئيس بشعبه يعطى هذه العلاقة مظهرا جذابا يتناغم مع طبيعة الشعوب العربية المتدينة بالأساس .. طيب شوف إنت بقى لما تكون موفر لشعبك كل حاجة شغل ومرتبات خيالية وشقق واسعة وهما يسيبوا ده كله ويسافروا وكمان بطريقة غير شرعيه علشان قال إيه يشتغلوا بره يقوموا يغرقوا ولا يطولوا عنب اليمن ولا بلح الشام.. فى الحالة دى أكيد هما مش شهداء لأنى كنت مش مخليهم عايزين حاجة دول طماعين وميش غير التراب هو اللى يملأ عينيهم.. يفضل أن يقول العبارة السابقة شخص له علاقة بالمؤسسة الدينية وتكون فى شكل فتوى مثلا علشان نقفل الباب ده تماما إحنا مش ناقصين وجع دماغ.
9 - خريجو تجارة وآداب يروحوا يشتغلوا عمال أمن فى المولات الكبيرة: جملة تثبت أيضًا مدى الاهتمام الكبير الذى توليه لشعبك ومدى اهتمامك على مستقبله الوظيفى والمهنى وأيضًا حرصك على تأكيد مبدأ وضع الشخص المناسب فى المكان المناسب - المولات الكبيرة مش الصغيرة خد بالك- هذه الجملة يقولها وزير أيضا من الوزراء اللى مفيش استلطاف بينهم وبين الناس واللى لا بيحل ولا بيربط ويا حبذا لو كان لا يحمل مؤهل عالى لا لشىء لا سمح الله غير بس إن الناس تحس بتعاطف معاه وإن الكلام طالع من واحد من وسطهم ويا سلام كمان لو كانت وزيرة ست هتلاقى التعاطف هيزيد ويزيد ويتوغل وينتشر ويقضى إلخ.
10 - أجندات خارجية خاصة وقلة مندسة وبلطجية: ثلاث كلمات يمكن وضع أى كلمة منهم فى جملة مفيدة أو حتى وضعهم كلهم فى جملة واحدة هتعمل شغل عالى جوه البلد وبره كمان وهتديك الفرصة انك تعمل اللى إنت عايزه فى شعبك وقت اللزوم يعنى مثلا مظاهرة هنا ولا اعتصام هنا.. الكلمات دى ممكن يقولها الرئيس أو أى وزير آخر لكن يفضل ألا يخرج من يقولها عن وزير الداخلية أو الخارجية.
تامر كردوس يكتب:-
* لو أنت رئيس وزهقت وحبيت إنك تسيب الحكم وتخلـــع وفى نفس الوقت مش عايزها تيجى منك أنت وتيجى من الشعب الموضوع مش صعب أبدا لأنك ممكن بـ 10 جمل بس تمشى من الحكم لأ وكمان تخسر شعبك ويمكن تاريخك كله:
1 - كـــــــبر مخــــــك: قولهـــــــا للمسئولين بتوعك فى أى مناسبة وكأنـــــك بتهزر ومتقلقش هما هيفهموا المضمون الخفى فى الجملة وهينطلقوا بقوة الدفع الذاتى وفعلا هيكبروا مخهم من ناحية أى حاجة خاصة بالناس وكمان من العقاب ومن المسئولية هيكبروا مخهم من أى حاجة وكل حاجة.
2 - ارمــــــى ورا ضهــــــرك: قولهـــــــا لأى مسئول أو وزير عندك لما يفشل فى أى مهمة وطنية مكلف بها أو لما تتسرق حاجة فى عهدته لأنك حتى لو ماقولتهاش له هو مهيأ بما فيه الكفاية إنه يرمى ورا ضهره المشكلة فعلا اللى كتير بيفكروا فيها وأنا أولهم " هو ورا ضهر الوزير ده قد إيه بالضبط؟ " لدرجة إن فيه ناس كتير بقت واثقة إن ورا أى مسئول فيه حفرة كبيرة كل ما يعمل مصيبة أو يفشل بيرمى فيها.. المشكلة الأكبر بقى إن الحفرة مش عايزه تخلص أو تتملى ولا الفشل برضه.
3 - اوعـــــــى تكون عبارة من اللى بيغرقوا: تقولها وأنت قاعد فى لقاء مع أحد الكادحين - قصدى مع واحد عامل من الكادحين- أثناء زيارتك لأحد القرى وياحبذا لو كان من الفلاحون فى كوخ بوص أو ديكور لمنزل بسيط من الطوب اللبن واللقاء بالكامل يكون متظبط ومتربط من أمن الدولة.. الجملة دى ممكن تأثر بشكل سلبى فى ألف ولا ألفين واحد هما أهل ناس ماتت قبل كده فى حادثة عبارة غرقت بس مش مهم إيه يعنى ألفين واحد والشعب حاجة وتمانين مليون المهم أن النكتة لما بتحكم لازم تتقال فورا.
4 - خلــــــيهم يتسلوا: جملة لو عكست فإنمـــا تعكس مدى حبك وتقديرك للشعب لدرجة إعطائــــك الأوامر دائما للمسئولين بأن يدلعوا الشعب ويخليهم يتسلوا دون تحديد طبيعة أو شكل التسلية المقترحة وعـــدم قصر التسلية على اللب السوبر أو السودانى.. طيــــــــب أهو الشــــعب اتسلى إزى الحـــــال دلوقتى.
5 - الشعب لـــم ينضج بعد حتى ينال الديمقراطية: يفضل الا يقول هذه الجملة الرئيس بنفسه بل يفوتها لأى مسئول تحته وليكن رئيس الوزراء مثلا - يعنى يحطه هو فى وش المدفع - فبهذه الجملة بيضرب عصفورين بحجر واحد الأول إنه يوصل رسالة للشعب بتاعه على طريقة اللمبى " شايف فى عيونكم نظرة أمل ... انسوا " والهدف التانى يوصل رسالة للغرب إن وجوده فى الحكم هو وجود واستمرار لمصالحهم فى المنطقة لأن مادام الوضع الحالى إنه موجود وإن مفيش ديمقراطية فبالتالى لو بقى فيه ديمقراطية مش هيكون لهم مصالح هنا وهو سبب غاية فى الأهمية يخلى أى شعب يفضل بيبى وعمره ما يوصل لمرحلة الفطـــــام أبدا.
6 - خليــــهم قاعدين وهجيبلهم بونبونى وشوكولاته : جملة لها ظروف خاصة حيث يفضل أن تذكر أثناء اعتصام أو تظاهر شوية عيال- من وجهة نظرك طبعا - حتى تبعث لهم برسالة مضمونها عرفوا حجمكم الطبيعى وإنكم لو قعدتم للسنة الجاية أنا كمان قاعد كما تحمل الجملة ترسيخ لمبدأ الحنية والطيبة التى تحملها للشعب وإنهم فعلا زى أولادك .. ملحوظة: يفضل أن يقول هذه الجملة رئيس وزراء أيضا ولكن غير اللى قال الجملة السابقة.
7 - هطـــــــــلع (.....) اللى جابوه: المثـــــــل بيقول " دلعوا الولد وربوه وان كبر يعرف أمه وأبوه " وبيقول كمان " اللى ما تربيه الأهالى تربيه الأيام والليالى "انطلاقا من هذين المثلين وغيرهما وأيضا مع الوضع فى الاعتبار إننا مش هنقضيها دلع دلع لازم شوية شدة مع الشعب تظهر ضرورة هذه الجملة التى يجب أن تذكر فى الوقت المناسب حتى يعرف الشعب حدوده وحجمه كويس بالبلدى كده يشوف العين الحمرا.. يفضل أن يقول الجملة السابقة وزير إحدى الوزارات غير المحبوبة للناس وإللى مطلعة عينيهم كوزارة المالية مثلا لأن أكيد الناس كده ولا كده قافشة من الوزارة دى ومن وزيرها بعد ما خلتهم يبيعوا هدومهم على أساس هـــــى جت عالشتيمة يــــعنى؟! وبعدين الشتيمة مش بتلزق".
8 - قتلى الغرق قرب سواحل إيطاليا طماعين وليسوا شهداء: لا شك إن الوازع الدينى هو الأساس فى تكوين النفس البشرية كما أن وجوده فى جزء من علاقة الرئيس بشعبه يعطى هذه العلاقة مظهرا جذابا يتناغم مع طبيعة الشعوب العربية المتدينة بالأساس .. طيب شوف إنت بقى لما تكون موفر لشعبك كل حاجة شغل ومرتبات خيالية وشقق واسعة وهما يسيبوا ده كله ويسافروا وكمان بطريقة غير شرعيه علشان قال إيه يشتغلوا بره يقوموا يغرقوا ولا يطولوا عنب اليمن ولا بلح الشام.. فى الحالة دى أكيد هما مش شهداء لأنى كنت مش مخليهم عايزين حاجة دول طماعين وميش غير التراب هو اللى يملأ عينيهم.. يفضل أن يقول العبارة السابقة شخص له علاقة بالمؤسسة الدينية وتكون فى شكل فتوى مثلا علشان نقفل الباب ده تماما إحنا مش ناقصين وجع دماغ.
9 - خريجو تجارة وآداب يروحوا يشتغلوا عمال أمن فى المولات الكبيرة: جملة تثبت أيضًا مدى الاهتمام الكبير الذى توليه لشعبك ومدى اهتمامك على مستقبله الوظيفى والمهنى وأيضًا حرصك على تأكيد مبدأ وضع الشخص المناسب فى المكان المناسب - المولات الكبيرة مش الصغيرة خد بالك- هذه الجملة يقولها وزير أيضا من الوزراء اللى مفيش استلطاف بينهم وبين الناس واللى لا بيحل ولا بيربط ويا حبذا لو كان لا يحمل مؤهل عالى لا لشىء لا سمح الله غير بس إن الناس تحس بتعاطف معاه وإن الكلام طالع من واحد من وسطهم ويا سلام كمان لو كانت وزيرة ست هتلاقى التعاطف هيزيد ويزيد ويتوغل وينتشر ويقضى إلخ.
10 - أجندات خارجية خاصة وقلة مندسة وبلطجية: ثلاث كلمات يمكن وضع أى كلمة منهم فى جملة مفيدة أو حتى وضعهم كلهم فى جملة واحدة هتعمل شغل عالى جوه البلد وبره كمان وهتديك الفرصة انك تعمل اللى إنت عايزه فى شعبك وقت اللزوم يعنى مثلا مظاهرة هنا ولا اعتصام هنا.. الكلمات دى ممكن يقولها الرئيس أو أى وزير آخر لكن يفضل ألا يخرج من يقولها عن وزير الداخلية أو الخارجية.
» كنوز الفراعنه
» الثقب الاسود
» طفل بطل
» دكتور زاكي الدين احمد حسين
» البطل عبدالرؤوف عمران
» نماذج مشرفه من الجيش المصري
» حافظ ابراهيم
» حافظ ابراهيم
» دجاجة القاضي
» اخلاق رسول الله
» يوم العبور في يوم اللا عبور
» من اروع ما قرات عن السجود
» قصه وعبره
» كيف تصنع شعب غبي