هديك حصص فى الرزاله
واحدة واحده كده معايا ان شاء الله هخليك ارزل من الرزاله
الحصه الاولى
فى المواصلات
لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض او اعمل انك اهبل صحيه وقوله مش انت نازل هنا بيتهيألى
اما بقى لو مكانش نايم عيب يعنى هتسيبه اوعى اساله كل شويه انت نازل فين طيب دفعت ولا لسه ...
و قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
استمتع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين ويمكن كمان يزهق ويقولك خلاص مش عايز حاجه
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك
=-=-=-=-=-=-=-=-=-=-=-=-=-=-=
نيجى بقى للحصه التانيه
الكليه
فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
=-=-=-=-=-=-=-=-=-=-=-=-=-=-=-=
نيجى للحصه التالته
الموبايل ياسيدى
بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟
سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى
بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن
وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط
هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه
بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت
ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه
طريقة أضمن بقى اعد أخوك الصغير جمب موبايلك وقوله أنا خارج وأول ماتسمع صوت الموبايل أتكى على الزرار ده
الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه
وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى
كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب
وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن
بقى بذمتك قولت أطمن ولا قولت أرذل ماشى ماشى ماعلينا
قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت
وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟
محشى الله بموت فيه طب وأيه تانى ياماما ياماما ياماما عفوا لقد نفذ رصيدكم
لو صحبك معاه كريديت كتير بقى أبقى خلى مامتك تحكيلك عملت المحشى ازاى
صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده
أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد
أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده
طبعا الله يكون فى عون صاحبك اللى مش عارف ياخد منك كلمتين على بعض
قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل
أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة
آلو آلو آلو رد ياحيوان وأنت باصص فى السما وعامل أهبل خليك كده بقى لحد مايغير الخط أو يبطل يشيل موبايلات
ها فيه اكتر من كده رزاله حققت حلمك اهه
اوعدك لو عملت الحاجات دى كلها مش هشوفك تانى من كتر الضرب الى جالك
واحدة واحده كده معايا ان شاء الله هخليك ارزل من الرزاله
الحصه الاولى
فى المواصلات
لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض او اعمل انك اهبل صحيه وقوله مش انت نازل هنا بيتهيألى
اما بقى لو مكانش نايم عيب يعنى هتسيبه اوعى اساله كل شويه انت نازل فين طيب دفعت ولا لسه ...
و قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
استمتع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين ويمكن كمان يزهق ويقولك خلاص مش عايز حاجه
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك
=-=-=-=-=-=-=-=-=-=-=-=-=-=-=
نيجى بقى للحصه التانيه
الكليه
فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
=-=-=-=-=-=-=-=-=-=-=-=-=-=-=-=
نيجى للحصه التالته
الموبايل ياسيدى
بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد متعرف عليه جديد رقمك كام ؟
سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك بتلعب فى النغمات وهو بيملى عالفاضى
بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل فاصل شحن
وشغل الغباء بقى كل مايقولهولك قوله غلط ومرة كده قولها صح يقولك تمام كده قوله اشطه يعنى هو كذا كذا وقوله غلط
هيقولك يابنى حرام عليك بقى قوله معلش معلش عشان احفظه بس وسوق الاستهبال لحد ماتحرق دمه
بتاخد الرقم من حد برضه قوله رن عليا عشان أسجل رقمك أنا حاطط الموبايل فى جيبى بس عامله صامت
ومليهوله غلط بقى هيرن عليك هيلاقى اللى بيفتح عليه ويقوله آلو وقوله معلش معلش مليتهولك غلط قال يعنى حد بيتلخبط فى رقمه
طريقة أضمن بقى اعد أخوك الصغير جمب موبايلك وقوله أنا خارج وأول ماتسمع صوت الموبايل أتكى على الزرار ده
الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك تعجبنى نصاحتك قول اللى أنت عايزه
وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت الموبايل فى البيت وخليه يشيل بقى
كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت بس وأستناه فى الموعد المرتقب
وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت الميعاد أو مش جاى قولت أطمن
بقى بذمتك قولت أطمن ولا قولت أرذل ماشى ماشى ماعلينا
قول لصحبك هات الموبايل بتاعك هعمل منه دقيقة هيقولك والله ممعيش غيرها برن بيها قوله ياعم دى مسألة حياه أو موت
وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة أيه على الغدا النهارده ؟
محشى الله بموت فيه طب وأيه تانى ياماما ياماما ياماما عفوا لقد نفذ رصيدكم
لو صحبك معاه كريديت كتير بقى أبقى خلى مامتك تحكيلك عملت المحشى ازاى
صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك وكل شوية قوله خليك معايا كده
أنت رجعت من الشغل يا بابا ؟ طب ماهو من ساعة مانت اتولدت وهو بيرجع من الشغل فى الوقت ده أيه الجديد
أرجع لصحبك بقى أيوة معاك طب أستنى أستنى أيه الصوت ده ياماما أنتى فى المطبخ ؟ ماهى طول عمرها بتحضر الغدا فى الوقت ده
طبعا الله يكون فى عون صاحبك اللى مش عارف ياخد منك كلمتين على بعض
قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت بتلمح لأيه يارذل
أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية مرة يتصل بيك أفتح ومتتكلمش ولا كلمة
آلو آلو آلو رد ياحيوان وأنت باصص فى السما وعامل أهبل خليك كده بقى لحد مايغير الخط أو يبطل يشيل موبايلات
ها فيه اكتر من كده رزاله حققت حلمك اهه
اوعدك لو عملت الحاجات دى كلها مش هشوفك تانى من كتر الضرب الى جالك
» كنوز الفراعنه
» الثقب الاسود
» طفل بطل
» دكتور زاكي الدين احمد حسين
» البطل عبدالرؤوف عمران
» نماذج مشرفه من الجيش المصري
» حافظ ابراهيم
» حافظ ابراهيم
» دجاجة القاضي
» اخلاق رسول الله
» يوم العبور في يوم اللا عبور
» من اروع ما قرات عن السجود
» قصه وعبره
» كيف تصنع شعب غبي