لماذا قال الشعب نعم

الاخوان ليهم وجود على الارض لانهم اصحاب فكر ومنظمين ثانيا موروثهم
السياسى كبير وحربهم مع النظام البائد معروفه للكل واتحملوا كل شيئ معتقلات
وضرب ومطاردات ومصادرة اموال ونزلوا وسط الناس وعمروا واشتغلوا فى الوقت
اللى غيرهم كان عايش عادى وبيتعاون مع النظام او رافع قضايه على رئاسة حزب
علشان كده لهم عند الناس رصيد كبير دا غير ان الشعب ميال للدين بطبعه
فاختار التيار الدينى زى ما حصل فى تركيا يعنى بلغة السياسة انتماءه وتوجهه
ومصلحته مع الحزب ده فى الاول خالص اللى دخل الين فى الموضوع النصارى
والعلمانين برفضهم المادة التانية وطلبهم الغاءها(ساويرس اكتر من مرة فى
التلفزيون) وده اجج المشاعر ضد العلمانين والنصارى فى كذا حادث قبل
الاستفتاء اخيرا ظهور اشخاص لا يثق بهم فى اعلانات( لا) كاحمد حلمى وغيرهم
من الممثلين مما ادى لتاثير سلبى على رجل الشارع العادى. البعد الاقتصادى
اغلبية الرافضين من الطبقة العليا او المتوسطة وده خلى الفقراء (الاغلبية)
تصوت بنعم كصراع ايديوليجيات وطبقات . العد النفس وهو كره الناس لمبارك
واللى هو بينتمى للجيش وخوفهم من تكرار الامر كما فى ١٩٥٢ يعن الحكاية تحلى
فى عنين الجيش ويبقوا فى السلطة. البعد السياسى الداخلى والخارجى بمعنى
الاضرار الناتجة عن حالة الركود الاقتصادى الناتج عن توقف مجالات كتيرة عن
العمل خارجية مصداقية مصر لانها الان لا يمكن تصنيفها لا اقتصاديا ولا
سياسيا لانها دولة تحت نظام حكم عسكرى (مؤقت) وخوف المواطن الغربى العادى
(السائح والقارى والمتابع) من حكم العسكر علشان كل الاسباب دى الناس سواء
امى او مثقف او ... او.. قالوا نعم ولازم الجانب الاخر يتقبل الهزيمة
ويحاول يعدل من نفسه بدل ما يردد عبارات وحجج واهية. محمد هريدى طالب بكلية
العلوم السياسية باحدى كليات المانيا